Aqueth article que s’interveng tau demiei de la partida Governància de la cyberseguretat.
Metodologias d’Analisi
L’analisi de riscs que’s pòt basar sus divèrsas metodologias arreconegudas, com EBIOS (o EBIOS RM de l’ANSSI), l’ISO 27005, enter autas.
Objectius e Via de Hèr
L’objectiu principau de l’analisi de riscs qu’ei de perméter a l’equipa encargada de la ciberseguretat d’interagir estreitament dab las equipas mestièrs (o : los mèstiers). Aquera collaboracion qu’ei essenciau tà identificar la valor balhada (o: la valor d’apòrt) de l’enterpresa (o de la collectivitat), autament dit, çò qui ei critic tà la soa foncionament.
Un còp aqueths elements de valor identificats, l’equipa ciberseguretat, tostemps mercés a escambis dab lo mestièr, que va definir scenaris d’atacas realistas e avaliar los sons impactes potenciaus.
Au cap d’aquera avaloracion, que cau determinar lo tractament apropriat tà cada risc. Qu’existeish quate opcions principaus : l’acceptar, lo minvar, lo transferir o lo refusar.
Los Diferents Tractaments deu Risc
Acceptar lo Risc
Lo risc qu’ei acceptat si lo son nivèu qu’ei jutjat confòrme a la politica e a la tolerància de l’organizacion.
Refusar lo Risc
Si lo risc n’ei pas en adequacion dab lo perimètre de l’organizacion, que pòt estar refusat. Per exemple, ua organizacion que pòt refusar un risc ligat a un servidor web si non ne possedeish pas nat.
Minvar o Transferir lo Risc
Quan un risc qu’ei aplicable e qui lo son nivèu qu’ei inacceptable en l’estat, l’organizacion que causish enter lo minvar o lo transferir.
Transferir : Aquò que revien a har suportar lo risc (juridicament o contractuaument) a un tèrç. Per exemple, lo risc ligat a la seguretat d’un lòc web que pòt estar transferit a un prestataure extèrne au quau qu’ei delegada la creacion e la mantienuda deu lòc en condicion de seguretat.
Minvar : L’organizacion que cèrca a minvar un risc quan lo son nivèu n’ei pas acceptable en l’estat e qui non se pòt (o non vòu) lo transferir. En aqueth cas, que va méter en òbra accions (sia de governància sia tecnicas) tà har baishar lo son impacte o la soa gravetat, e atau minvar lo son nivèu dinc a un lindau tolerable.