Aqueth article qu’a entà objectiu de presentar las diferentas compausantas de la cybersecuritat.
Tot purmèr qu’existissen duas granas familhas :
- la cyberresiliéncia;
- la cybersecuritat.
La cyberresiliéncia
Aquera qu’a entà objectiu d’arribar a contunhar d’aver un sistèma foncionau mès dens un mòde degradat, pendent ua ataca per exemple.
Las enterpresas qui meten en plaça la cyberresiliéncia qu’accèptan lo hèit qu’estaran d’òra o tard atacadas.
Entà poder contunhar de tribalhar maugrat ua ataca, la cyberresiliéncia que’s basa sus plans de continuitat d’activitat e sus plans de represa d’activitat, coblats dab un cambiament deu modèl de gestion deus servidors informatics, entà aver servidors mei isolats per besonh mestièr e atau limitar lo risc d’efèit dominò.
La cybersecuritat
Que’s compausa de mantuna sota-partida, qui detalharèi dens articles dedicats :
- la governança;
- los plans de represa e de continuitat d’activitat;
- l’omologacion;
- lo cloud;
- la partida tecnica.